 |
| 北韓南聯級潛艇 |
大家試猜猜歷史上最大嘅漁獲是甚麼？
藍鰭吞拿？大白鯊？鯨魚？通通都不是，而是一艘潛艇！
1998年6月22日，一艘南韓漁船喺南韓束草港以東水域捕漁，後嚟漁船上嘅人發現一艘潛艇疑似被佢哋放喺海上嘅漁網纏住，之後發現有幾個著軍服嘅人走出潛艇，佢哋意圖解開漁網但唔成功。漁民懷疑潛艇屬北韓，於是立即通知軍方。
南韓海軍抵達現場，確認係北韓潛艇，佢哋意圖用無線電呼喚潛艇內嘅人員，又嘗試派人拍打潛艇，可是一直得唔到回應。於是南韓軍方決定把潛艇拖回束草港調查。但拖行途中，喺不明原因下潛艇沉沒。
南韓海軍喺6月25日將潛艇打撈回水面，軍人打開潛艇艙後，發現潛艇內共有9具屍體。但更令人震驚嘅地方係，船上其中五人係被人開槍擊斃，另四人則係自殺。明顯地係船上較高階嘅官兵先殺死五名低級水手然後再自殺！
南韓軍方後嚟證實，肇事潛艇乃北韓南聯級潛艇，該潛艇意圖到南韓水域收集情報(北韓當然例牌否認，並拒絕收回九名士兵遺體)，可是卻「出師未捷身先死」，意外地成為南韓漁船嘅大獵物。
文：老積
(聲音敘述)
沒有留言:
張貼留言