 |
| 幕府時期，長崎成為日本人了解世界嘅唯一窗口 |
對日本史稍有認識嘅人都知道，日本喺幕府時代採取閉關政策，除咗儒家同佛教文化，日本對外來文化幾乎全部禁絕，但當時嘅幕府政權，容許九州嘅長崎港打開一線窗戶，幕府政權准許荷蘭人到長崎進行貿易，並特准他們帶入西方書籍及科技。呢啲西方嘅新知識，日本人稱之為「蘭學」(西學)。
中國嘅明清兩代政權，同樣採取閉關嘅政策，而喺中國某一處地方，發揮着長崎引入西學嘅同一功能，呢處就係香港人非常熟悉嘅澳門。
明末來華嘅傳教士，例如利瑪竇、湯若望、艾儒略、沙勿略等，全都先踏足當時已租借給葡萄牙人嘅澳門，佢哋先喺澳門停留學習中文同中國文化，然後再深入內地傳教，喺傳教之餘帶入咗中國人一無所知嘅西學。
澳門同長崎最大分別：澳門係西學傳入嘅跳板，長崎則直接引入西學。睇返歷史，澳門唔係只得賭業、唔係一個去飲飲食食旅遊城市咁簡單，佢係中國近代接收外來文明嘅窗口，可惜教科書對有關歷史隻字不提！
 |
| 明清時期，西學從澳門引入 |
文：老積
沒有留言:
張貼留言