芬蘭申請加入北約(NATO)，令俄羅斯領導人暴跳如雷！
原來過去300年，芬蘭與俄羅斯兩國分分合合，當中嘅關係錯綜複雜，老積為大家回顧一下。
17及18世紀初期，芬蘭係瑞典王國嘅一部分，而係17世紀末，俄羅斯帝國喺彼得大帝改革下逐漸強大，俄羅斯必須打敗瑞典才能稱霸北方。俄瑞嘅爭霸，影響咗芬蘭未來嘅命運。
彼得大帝嘅對手係有軍事天才之譽嘅瑞典國王卡爾十二世(Karl XII)，佢多次打敗俄國嘅進侵，並不斷向北方擴張。可惜花無百日紅，1700年，俄瑞兩大國爆發「北方戰爭」，瑞典慘敗，瑞典喪失咗波羅的海嘅霸權(參看地圖)。
瑞典雖然慘敗，但芬蘭仍然係其屬土。大概100年後，當時歐洲各國正忙於應付法國拿破崙嘅侵略，瑞典對其強鄰俄羅斯可說毫無防備。1809年，俄國沙皇亞歷山大一世(Aleander I)突襲瑞典，佔據咗今日嘅芬蘭全境，史稱「芬蘭戰爭」。
當時嘅俄國冇全面吞併芬蘭，而係建立咗一個芬蘭大公國，作為俄羅斯嘅附庸國。芬蘭大公國嘅建立，為日後芬蘭獨立揭開咗序幕。
亞歷山大一世對芬蘭人尚算寬厚，佢比芬蘭人頗大嘅自主權，所以當時嘅芬蘭人對呢批入侵者並唔反感。呢段時間可說係芬蘭同俄羅斯嘅蜜月期。
 |
| 芬蘭首都赫爾辛基主教座堂前有俄皇亞歷山大一世雕像， 可見芬、俄之間的微妙關係。 |
文：老積
(聲音敘述)
更多二喬資訊：
二喬面書
二喬工作室相關資訊：
沒有留言:
張貼留言